محايد لموبايلي

السلام عليكم ورحمة الله وبركاته


كيف حالكم جميعاً

أخواني انا مادري من وين ابدأ واحاول قدر الإمكان ان اكون مختصر في كلامي

ومثلكم عارفين خير الكلام ماقل ودل

وسبب تسجيلي في المنتدى وهو الموضوع هذا انا معاكم من اول لكن كنت اقرأ فقط

لكن توني سجلت من شان الرد

احب اعلق على موضوع اخوي الكريم


اقوله ان شركة زين استأجرت ابراج موبايلي ومادري شنو كلام غلط في غلط

وكل المنتديات كاتبين زي كذا مو بس انتم

لو ترجعون مين ورا السبب هذا تلقون واحد من حقين المنتديات كتبها عنده

واضافها في المنتدى ومرسلها لإيميلات ربعه ويالله انتشرت السالفه

حبيبي تعال نراجع مع بعض ماضي شركات الاتصالات كلها

عندك الجوال انا اسميها الاحتكارات كم سنة كانت شركة محتكرة كم سنة

***وا علينا.......؟؟؟؟


متى صارت اسعارهم رخيصة.......؟؟؟؟ بعد ما شافوا موبايلي بدوا يهتمون في العملاء

شوفوا انا مابي احلف لكن اذا تبونها حلفان ماعندي مانع

وش رايكم في تمام الساعة 1 الظهر بالضبط اتصلت على 902 كنت ابي استفسر

عن الكونكت حق الجوال > نزلت للبقالة تحت بيتنا في نفس العمارة

اشتريت الوطن وعكاظ ولبن وطلعت للبيت ونزلت ادخن وخلصت ورحت عند زميلي

قدام بيتي عطيته هاردسك يحملي افلام ورجعت لبيتي الا الرجال جاني

عطاني الهاردسك وراح لبيته ودخلت انا بيتي وما امداني جلست الجوال بيدي وسبيكر

الا واسمع طوط طوط طوط قفلوا بوجهي 27 دقيقة والرد الآلي قال 10 دقائق


طيب اتصالنا ثاني مره وبعد 13 دقيقة رد وسألته وطلع ماعنده سالفه صراحة

كل ما اقوله شي قالي ها امممم طيب ثواني

بالله هذا موظف مو فاهم شي وفي الاخير قفل بوجهي ولا مرسلي رابط على جوالي

حق خدماتي . طيب وش السبب....؟؟؟ موظفين لايملكون خلفية واجابات لاستفسارات العملاء..؟

انا اتصلت على موبايلي تدرون كم جلست.......؟؟؟؟

اتصلت عليهم الساعة 2 الظهر تقريباً او 3 في خلال 7 او 8 ثواني ردوا علي

وهذا الصحيح لكن خلونا نقول دقيقة عشان ماحد يكذبني

شوفوا فرق سرعة الرد ....؟؟!!!!!!!!

اي واحد معاه موبايلي يتصل على 1100 واذا رد المجيب يضغط الرقم هذا 3 وبعدين 9

شوفوا متى يردون اتحداكم تكملون 10 ثواني بس

المهم اتصلت عليهم ومعاي جوال آيميت ( ابو قلم ) بوكيت جوال كفي > قلت كل المصطلحات هع

المهم اتصلت وطلبت من الموظف اعدادات الوسائط والنت قالي ثواني

بس 6 ثواني الا رد علي قالي شوف ياخوي نمشي خطوة خطوة انا وياك لان جوالك

اعداداته يدوية مو آليه قلتله اوكي

دقيقتين انا وياه خلصنا الاعدادات وعندهم حسن الرد على العملاء

وسرعة استجابة وشركة زين بدايتها نصصصصصصصصصصصصصب

ارخص شريحة من زييييين 1000 ريااااال سلامااااااااااااااااااات وين عايشين

قالك انا جالس على نفط


---------------------------------------------------------------------------------------


نرجع لمحورنا اخوي الغالي

سبب انقطاع الاتصال هو سلك ليف بصري والانقطاع استمر 6 ساعات في جميع

مناطق المملكة وتم تعويض العملاء بتخفيض نص السعر في المكالمات

لمدة شهر

شوف اقلها موبايلي عوضت عملائها صح ولا لا .....؟؟؟؟ 1

زين ماكانت تبي تستأجر ابراج موبايلي واصلاً ما اتوقع ان موبايلي بتوافق

موبايلي لها سمعه ما اتوقع انه تضيع سمعتها من اجل مادة

وادارتها على احسن وجه وادارة سليمة ومهتمين في العملاء فوق ماتتصور


وبعدين زين مطوله عشان تبي ارقامها

بعدين تعال انتم من يوم يصير شي غلط تمسكونها ولاتنسونها


طيب تعال متى موبايلي عملت شي غلط..........؟؟؟؟

متى موبايلي ضحكت وسرقة الناس............؟؟؟؟

لاتصيرون مثل الشيبان زي واحد في الحارة او كان يفحط ايام الثانوية ويوم كبر

وتوظف وعمره صك 27 سنة ويبي يتزوج بنت جارهم قال هذا مو كان الي يفحط اول


شفت هي زله وخلاص تنمسك


هذه اول مشكلة تواجه موبايلي


والانقطاع كان خارج يد موبايلي يعني مو بيدها ابداً الله كاتبه وصار مابيدها شي

بس شوفوا سرعة الصيانه على طول سلك ليف بصري جديد

حفريات عمال كم ساعة الا وهم ركبوها

ياعمي وين الاتصالات وين زين

موبايلي وبس بكل صراحة


الانقطاع الي صار اسبابه كثيرة كثيييييييييييييييييرة الانقطاع الي صار له الف سبب وسبب

وانا متأكد ان موبايلي ماكانت تبي تأجر لزين


وآخر شي لو موبايلي ماهمها عملائها ليش رخصت مكالماتهم.......؟؟؟؟


اعن نفسي اشتريت شريحة موبايلي جلست اسبوع وعندي رصيد

الا جتني رسالة موبايلي ارسلوا لي 20 ريال قلت تمام

وبعدها كم اسبوع الا مرسلين رسالة 10 قلت تمام

وبعد كم اسبوع خلص رصيدي ورحت شحنت 60 ريال ورحت للبيت الا ورسالة جتني

بعد 3 ساعات موبايلي شحنوا لي 30 ريال قلت تمام

وبعدها اسبوعين او 3 خلص رصيدي وجلست 4 ايام ماشحنت لان مامعاي وقتها فلوس

وكنت على وجه سفر ومع الاشغال راح عن بالي اشحن نسيت اشحن

المهم ركبت سيارتي وانا ماشي ويوم قربت ابي اطلع من الرياض

الا ورسالة منهم جتني 20 ريال قلت حلو وبعد 150 كم

بنشر علي كفر واجلس لك مافي احد وقف لي الا واتصل على اخوي قالي توني طلعت من الرياض

قلت له مرني انا بعد 150 كم قالي اوكي وجاني اخوي وصلحنا البنشر وكملنا للمدينة

والى يومك هذا

اذا طولت ماشحنت يعني اسبوع الا وهم مرسلين لي رصيد وربي شركة ما مثلها شركة


وكل الي طلع عن موبايلي هو من حقد الناس

لا اتصالات لا زين ونعم لموبايلي


وفعلاً موبايلي عالم من اختياري

كونكت موبايلي مفتوح 350 ريال

كونكت الجوال مفتوح 450 ريال


رسالة نصية من موبايلي الى موبايلي 0.25 هلله ومن موبايلي الى الجوال 0.25 هلله

رسالة نصية من الجوال الى الجوال 0.25 هلله ومن الجوال الى موبايلي 0.35 هلله


شفتوا كيف السرقة لا والتقارير في موبايلي مجاناً وفي الجوال ياخذون 10 هلالات


مهما قلتوا لهرجكم ما اسمع افهموا انتم الى متى نايمين متى تصحون؟


اتركوا الجوال عنكم واتركوا زين عنكم روحوا لموبايلي





في جريدة الجزيرة كاتبين في الخط العريض 902 يستقبل اكثر من 3.5 مليون مكالمة في

اليوم الواحد

وش سبب التفسير هذا بكل هدوء > اكثر من 3 مليون نسمة يومياً يتصلون على 902

وش السبب ولا مايردون الا بعد 15 دقيقة في خارج الذورة وبعد 30 دقيقة اثناء الذروة


تدروووووووووون وش السبب ...؟؟؟ من سوء خدماتهم يتصلون الناس

وبكل فخر كاتبينها الجوال نحن نفتخر بالعدد هذا > من اهمالكم و***كم تبون جيوبهم وفلوسهم

والا ما تفتخرون فيهم اصلاً

والناس الله يهديهم مصرين على الجوال متى يصحون مادري...!!!

حتى شعب عبداللطيف الي خاق عند التيوتا وفي الاخير طلعت سرقة

متى تصحون ياشعب الجوال وياشعب عبداللطيف

الناس يسرقونكم وانتم معاهم الله لايبلانا مابلاكم

اصحوووووووووووووووووووووا



اعذروني على الاطالة والي كتبته من القهر الي فيني


تحياتي لكم

والف شكر لشركة موبايلي الي انقذتنا من شركة الاتصالات النازية

عالم من اختياري> خاق عند نغمة موبايلي خخخخخخخخخخخخ

شارك |

فيصل الصويمل

هلا بك في منتداك

ووجود الشركات المنافسة يحفزها لتقديم الافضل

التوقيع:

My E-mail: alswaimel@hotmail.com My Website: www.alswaimel.com

sas

حياك الله وطرحك لا خلاف عليه لكن برضه الشركات فيها سمعه سيئه ولو تطرقنا بالنقاش راح نوصل عند الباب ونولع الزقيره جميع

وانصحك بالبعد عن الدخان الله يكفيك شره

منورنا مره ثانيه وحياك حياك

التوقيع:

محايد لموبايلي

الله حي الحكومه خخخخخخخخخخخ

مشكور اخوي ابو سعود لكن كلمة الحق تنقال

والحق حق

موبايلي في المقدمة الى الآن

تحياتي لك يالغالي وشاكر لك سرعة ردك

ماشاء الله عليك عيني عليك باردة

موظــZAINــف

أنا أحب موبايلي

بس زين راح تكون الأفضل


شكراً على الطرح

التوقيع:

eyadessa

مشكور اخوي بالنسبة ل 1100 اي عشر ثواني يا اخي اقعد ساعة بس احد يرد النظام يعيد نفسه وتحصل كثير بالمنتدى مواضيع بهذا الخصوص وشكرا

طلال الصامل

هلا بك اخوي

وجهت نظر اكيد راح نحترمها ,,

لكن المنافسه هي السبب في اللي نشوفه ..

التوقيع:

الماضي القديم

وعليكم السلام ورحمة الله وبركاته

يا هلا وغلا اخي محايد لموبايلي



اهلا لكن ياليتك سجلت من زمان عشان نستفيد وتستفيد

شي طبيعي ، منافسة

اذا قالك 10 دقايق ممكن انهم يتأخرون دقيقة واحدة زيادة لكن 27 دقيقة

ماعمره صارت إلا معي يوم كان عندي سوا
كلام سليم 100% وانا اشهد على صحته لا سيما اذا كان عندك مفوتر اما في المسبق الدفع فحدث ولاحرج

بديهي يالغلا ، كله ارقام مميزة اصبر اول ماتفتح الشركة راح تشوف اسعار ترضيك وترضي غيرك
---------------------------------------------------------------------------------------


ماشي موبايلي بعد الانقطاع فعلت شيء ، لكن ماهو هذا الشيء ؟؟


هو عرض خصم 50% على المكالمات الصادرة لشبكة موبايلي

هذا لا يسمى تعويض
وهذا العرض محصور لشبكة موبايلي وانت كما تعرف مشتركي الجوال اكبر بكثير من عملاء موبايلي
وانا شخصياً يوم الاربعاء جميع الذين اردت الاتصال بهم كانوا عملاء الجوال ، بإستثناء واحد فقط موبايلي
وشي اخر العرض لمدة اسبوعين تقريبا وليس شهر .
عزيزي المتعصبين لموبايلي نشروا هذا الخبر بكل المنتديات فرحاً وطرباً
وهذا شيء معروف
وانت اتقول لي انها لا تضيع سمعتها من اجل المادة !!

اصلاً هذا شيء المفروض يسعدك لان زين ستختار شبكة موبايلي ، ويدل على انه لديهم تغطية جيدة

لكنها طاحت يوم طاحت شبكتهم يوم الاربعاء الاسود الشهير


موبايلي اغلاطها لا حصر لها
مافعلته برعايتها للهلال وصدها عن المحتاجين امثال ذوي الاحتياجات وعدم عمل تخفيضات لهم ورعاية مهرجاناتهم اليس غلط وضحك على الناس
انقطاع شبكتها المتكرر للمرة الثالثة اليس غلط يجب ان تحاسب عليه الشركة ؟

لو كنا في دولة اجنبية صدقني لخسرت موبايلي خساره رهيبة لكن نحن ليس عندنا رقابة وهيئة الاتصالات وتقنية المعلومات يا غافلين لكم الله

هيهات

المفروض اخذوا احتياطهم وحذرهم يا اخي ملايين المشتركين في المملكة كلها يتعطلون ونسكت؟
صدقت والله كانوا سريعين

الاتصالات احسن من الاول وانتظر تشغيل زين ولاحظ الفرق والمنافسة وقد قالت زين ان الشبكة لن تنقطع واذا حدث شي لن يشعر به العميل

موبايلي ربحانة بهذا العرض لانه ستزداد مكالمات العملاء وسيزداد ربحهم

يا رجل شوف من يرسلك رصيد

ترى مافي شركة اتصالات في السعودية كل اشوي ترسل رصيد لعملائها


طبعاً لان تغطية الجوال افضل من موبايلي واوسع
عادي فرق 10 هلالات
مو مشكلة فرق 10 هلالات



هذا يدل على كثرة عملاء الجوال وجودة خدماتهم وتغطيتهم وليس سوء الخدمة

الم يجعلك هذا تفكر ماسبب ذلك بدل معاتبة هؤلاء ؟

السبب ان الجوال افضل من موبايلي واطول عمرا

شكراً لك

ساهر الطائف

انا مع موبايلي مو لعيونهم بس عشان الرسوم اقل من الجوال

وكذالك لو نزلت زين راح احول لها اذا طلعت خدماتها افضل ..؟؟

ما فيه شركه تسعى وتجتهد لعيون العملاء..!!

اكبر هم للشركات المكسب المادي فقط والعميل في 360 كوبري ؟؟

التوقيع:

استغفر الله العظيم من كل ذنب

شركتي غير

وربي كنت مجهز لك رد طويل عريض ويعطيك شوية معلومات تصحيحيه ..

بس بعد ماقريت هالكلام :
اعن نفسي اشتريت شريحة موبايلي جلست اسبوع وعندي رصيد

الا جتني رسالة موبايلي ارسلوا لي 20 ريال قلت تمام

وبعدها كم اسبوع الا مرسلين رسالة 10 قلت تمام

وبعد كم اسبوع خلص رصيدي ورحت شحنت 60 ريال ورحت للبيت الا ورسالة جتني

بعد 3 ساعات موبايلي شحنوا لي 30 ريال قلت تمام

وبعدها اسبوعين او 3 خلص رصيدي وجلست 4 ايام ماشحنت لان مامعاي وقتها فلوس

وكنت على وجه سفر ومع الاشغال راح عن بالي اشحن نسيت اشحن

المهم ركبت سيارتي وانا ماشي ويوم قربت ابي اطلع من الرياض

الا ورسالة منهم جتني 20 ريال قلت حلو وبعد 150 كم

بنشر علي كفر واجلس لك مافي احد وقف لي الا واتصل على اخوي قالي توني طلعت من الرياض

قلت له مرني انا بعد 150 كم قالي اوكي وجاني اخوي وصلحنا البنشر وكملنا للمدينة

والى يومك هذا

اذا طولت ماشحنت يعني اسبوع الا وهم مرسلين لي رصيد وربي شركة ما مثلها شركة


لكن بعد ماقريت هالكلام عرفت ان ماعندك سالفه ..