عليكم السلام ورحمه الله

اعانك الله على ماابتلاك من مرضا النفوس

واانا اخوك فيه اكثر من حل

1 - ابلاغ الاماره

2 - الهيئه ( هيئة الامر بالمعروف والنهي عن المنكر ) واعتقد يتعاملون مع هالقضايا بالسريه التامه

واذا تبينها كحل سريع وجذري .. فعلي خدمه راحتي بـ 15 ريال واحجبي رقمه وحطي نغمه كان جوالك مقفل

واذا دق من جوال ثاني اضيفيه لقائمه الحجب وريحي بالك

وان مانفعت معاك شريحه بدون اسم ارميها ويعوضك ربي بديلها :)

الله يفرجها معاك وهذا الي اقدر انصحك والاخوان مايقصرون ان شاء الله

بتوفيق

اي امارة قصدك امارة المنطقة اللي انا فيهاااا

طيب اش اقلهم وش يطلبون مني

إقتباس من مشاركة رآحة

اي امارة قصدك امارة المنطقة اللي انا فيهاااا

طيب اش اقلهم وش يطلبون مني

الاماره التابعه لمنطقتك .. وانا اخوك

واذا كان الرقم المزعج تابـع للـ stc

فيه رقم خاص بشكاوي تابع للشركه تقدر تتصلين عليهم وتبلغينهم

8003030902

بس مادري يقبلون شكوى اذا كان رقمك موبايلي ؟

بتوفيق لك :)

ما قصرت أخوي khalid_1100 بس ما فيه فايده من تغيير الرقم
لأن الإزعاج من قريب يعني بيجيب الرقم

أنا أنصحك مثل ما قال أخوي هيئة الأمر بالمعروف

ولهم طرق خاصه يحلون الموضوع بكل سريه ولا يطلبون منك شي أبد

بس رقم الشخص ولهم طريقه يجيبونه ولهم رجال وبنات متعاونين معهم

مالي الا الهيئة الله يستر بس


والله لايوفق اي احد يقعد ياذي بنات الناس ويشغله بنفسة


مشكورين اخواني ربي يوفقكم دنيا واخره ويفرج عليكم مثل ماريحتوني وربي عايشة برعب لا بارك الله فيه

الله يكون بعونك

والله يستر عليك ويفرج همك

وأذكرك أخيتي بالدعاء

أكثري من الدعاء أن الله يستر عليك ويشرح صدرك ويوسع صدرك ويهدي من أزعجك

مدامك غيرت رقمك اكثر من مره وعرفه
مليون بالمية هذا من الناس الله حوالينك او من خوياتك
-------
خوذو معلومه اكتشفتها موخرا
حتى انا اهلي سوا الوالده او الاخوات يجيهم ازعاج على جوالاتهم
وبالصدفه عرفت المشكله من وين
مثلا ابوي الله يطول بعمره يوم يسافر للديره
يسير على جماعتنا هناك
وياكثر الجحلط بالديره من هلشباب الداشر الا من رحم الله
احيانا يروح يصلي ويترك جواله بالمجلس ثم جو هلسرابيت يفتحون جواله
وينقلون الارقام
خاصه ان كل الاسماء بجوال ابوي مكتوبه جوال فلان
وجوال فلانه
يقول لاتحطون رمزز علشان ماانساها
المهم اكتشفت ان سبب هلازعاجات من ابوي لانه يترك جواله واحيانا ينساه
لانه مايبلش به
وبالاخير مسحنا كل الارقام وصار مافيه الا رقمي ورقم اخواني الشباب وعامل المزرعه

بصراحه ناس ماتستحي مدري وش يحس به يوم يزعج خلق الله
الله يلهيه بنفسه

الله يعينك ..... صارت لأهلي نفس المشكله .. بس رقم من stc وتقدمت لهاتف الشكاوي وأرسلت لهم شكوى عن طريق الفاكس وخلال كم يوم فصلو الخط وصار رقمة غير موجود في الخدمة ... بس مادري عن شكاوي موبايلي .

ياجماعة مو حل الرقم ينفصل بدال الرقم مليون غيره احنا نبغى حل جذري للمهزله اللي قاعده تستمر بشكل يومي والله شي يحز بالخاطر اللي قاعد يصير انا من اسبوع تقريبا وحده من خواتي اتصلت علي وقالت فيه مصري يزعجني على الجوال طبعا اتصلت عليه ورد عليه بكل وقاحه ايوه عاوز ايه المهم قلت له انت ليه جالس تتصل على الرقم قال اهاااااا هيا الموزه بتعتك يعني نلقاها من عيالنا ولا من الاخوان المقيمين اللي عندنا ارجو النظر في الموضوع بجديه اكثر وعدم اهماله اكثر من كذا